Fasnacht 2017

Fasnacht 2017 

Ab id Zuekunft isch z`Motto vo dere Fasnacht gsi.

Mir hei gfunge , da simer o wieder mit drbi.

Überleit u diskutiert, was chönnte mir de mache hüür.

Da meint d`Anja, z Jubiläum vom TV steit doch vor dr Tür!

U mir hei ja no auti Turnersache,

wie wärs de, we mir grad würde Wärbig mache?

So hei mir afa plane, was mir de da aues bruche.

Schliesslech simer de amene Nami gah d`Anja bsueche.

Mir hei dr ganz Nami gmale u gschribe

u drbi isch d`Farb nid immer ufem Karton blibe.

Dank dr Mithiuf vo üs aune isch am schluss,

üse Wage o tiptop in schuss.

Luschtig isch dr Fasnachtsumzug gsi.

Viu Spass hei mir gah drbi.

U mir wüsse scho itz...

...O nächschts Jahr stöh mir wieder mit viu Freud ufem Bitz