Jugitag 2016

Jugitag vom 4. Juni 2016 z’Huttu

Mit 35 Giele si mer mit Bussli nach Huttu gfahre. Bi üser Akunft hetz ganz liecht gnislet. Nach e me liechte Iloufe hei ou mir dr Wettkanpf i agriff gno. Aui hei mit em Louf sowie em Wittsprung agfange. Im Aschluss isch Bauwurf bi de Chliene und Chugustosse bi aune Angere dracho. Nach däm het’s e chlini Pouse gäh, bis d’Spiu agfange hei. Die Grosse hei Tschoukbau (K13-16), die Mittlere Unihockey (K10-13) und die Chliene (K8-10) Turmbau g’spiut. Turm- und Tschoukbau isch s’erschte Mou düregfüehrt worde. Do si d’Erwartige nid so gross gsy. Drumm isch d’Überraschig um so grösser, dass die Chliene im Turmbau dr 3. Rang erkämpft hei. Mir gratuliere!

Am Nomittag isch nachenang s’Seilizieh und d’Stafette uf em Programm gstange. Bim gröschte «Schiff» hei mer müesse a de Seili schriesse. Und wius e so gschliferig gsy isch, hei mer üsi Leischtig nid ganz chönne erbringe. D’Stafette si wäge Unfaugfohr abgseit worde.

Nach dr Rangverkündigung hei mer dr Heiwäg unger d’Reder gnoh. Im Bäre sy mer ykehrt u hei  de Giele d’Wettkampfblettli, Turnchrützli vertöut u a füfne s’Diplom übergä. Nach üsere interne Rangverkündigung si mer aui müed, zum Glück ohni Unfäu, wider hei gange. Es isch e grossi Ufgab mit so mängem Jugeler a so me ne Wettkampf teil znä. Us däm Grund wei mer aune Leiter und au dene danke säge, wo üs ungerstützt hei. 

D’Jugileiter.