Erlebnisse Frauenriege

Üses Ferieprogramm hei mer scho vor de Ferie absolviert.

Mer Turnerinne ir Froueriege hei Sommerzyt-Feriezyt.

Amene wunderschöne Donnschtig si mer de Kunstwäg in Attiswil abglöffe. Das isch richtig e tolle Obe gsi. Mer hei sogar dörfe s Museum bsuche will üs so ne nette Herr ufto het und gmeint be so viu Lüt sig das doch fascht Pflicht .Aschliessend hei mer de Wäg unger d Füess gno und hei die vieli idrückliche Kunstwärk gnosse. E spontani Ueberraschig isch de Apero ungerwägs gsi, merci Elisabeth.

Gstärkt si mer de de räschtlech Wäg glöffe. Isch würkli e tolli Sach gsi. Mer si g üebt im angeri Sache z organisiere, da mer jo ebe net immer i d Halle chöi.

Jo so ne obe isch ou der Abschluss vor üsne Ferie gsi. Natürli si mer uf Wiedlisbach glöffe, chli Bewegig muess si und si is Restaurant Schlüssel go i chere.

Mer hei feini Pizza, Salat mit Poulet oder so und natürli Dessert dörfe gniesse.

So isch e gmüetliche obe  bald verbi gsi und mer si wieder heiwärts zue.

Und jetzt gniesse mer üsi turnfreii Zyt und fröie üs wenn mer wieder zäme dörfe turne.